थारे घट में विराजे भगवान, बाहर कांही ढूंढती फिरे ॥

थारे घट में विराजे भगवान, बाहर कांही ढूंढती फिरे

नौ नहाई रे नौरता रे, दसवे नहाई काती। राम नाम की सार नी जाणे, फिरे गलियों में रे नाती। पीपळ रे डोरा बांधती फिरे, थारे घट में विराजे भगवान…..

मूरत को रे मंदिर में मेली, बा कांही मूंडे बोले। मांही बैठो मस्त पुजारी, बिना हुकम नहीं खोले । चंदन रा टीका काडती फिरे, थारे घट में विराजे भगवान….

जीवते बाप री सार नी जाणे, मरियां गंगा ले जावे। आसोजां में करे रे श्राद्धा, कागा ने बाप बणावे। आकां रा पत्ता तोड़ती फिरे, थारे घट में विराजे भगवान…..

उतरखण्डां सूं चाली नदियां, पाचूं कपड़ा धो ले। राम नाम की साबुन लगा ले, हरि भजूां रे मांहि हो ले। नळराळी सुरता नावती फिरे, थारे घट में विराजे भगवान……

रामानन्द मिल्या गुरु पूरा, भरम जीव रा खोले। कहत कबीर सुनो भाई साधु, परवत राई रे ओळे। परवत री छाया ढूंढती फिरे, थारे घट में विराजे भगवान

thaare ghat mein viraaje bhagavaan, baahar kaanhee dhoondhatee phire .

nau nahaee re naurata re, dasave nahaee kaatee. raam naam kee saar nee jaane, phire galiyon mein re naatee. peepal re dora baandhatee phire, thaare ghat mein viraaje bhagavaan…..

moorat ko re mandir mein melee, ba kaanhee moonde bole. maanhee baitho mast pujaaree, bina hukam nahin khole . chandan ra teeka kaadatee phire, thaare ghat mein viraaje bhagavaan….

jeevate baap ree saar nee jaane, mariyaan ganga le jaave. aasojaan mein kare re shraaddha, kaaga ne baap banaave. aakaan ra patta todatee phire, thaare ghat mein viraaje bhagavaan…..

utarakhandaan soon chaalee nadiyaan, paachoon kapada dho le. raam naam kee saabun laga le, hari bhajooaan re maanhi ho le. nalaraalee surata naavatee phire, thaare ghat mein viraaje bhagavaan……

raamaanand milya guru poora, bharam jeev ra khole. kahat kabeer suno bhaee saadhu, paravat raee re ole. paravat ree chhaaya dhoondhatee phire, thaare ghat mein viraaje bhagavaan